Alam mo yung sinasabi nila na you know it's love when you feel a chill running down your spine? Hinde totoo yun. Meron lang multo pag ganun. Alam mo kung bakit? Kasi ang totoo, pag true love, walang masyadong kilig, walang nagtataasang balahibo. Alam mo kung anong meron? A sense of peace that you can't describe. Biglang humuhupa lahat ng kaba, lungkot at pagod. There's this sense of security, a feeling of being loved, protected and understood...kahit wala pa kayong sinasabi sa isa't isa. Hinde ba't sabi ko dati, "I would give everything to see that smile again"? Hinde pala ngiti ang kailangan ko. Ang gusto pala talaga ng puso ko ay yung pakiramdam ng serenity.
Mahirap dayain ang puso. Kahit na gano karami maging crush mo or mahalin mo, may isa at may isang magi-stand out. Isang tao na kahit na anong gawin mong galit, mare-realize mong mahal mo pa rin. Bakit mo sya mahal? Kasi sya yung tanging tao na tanggap ka kung ano ka - moody, baliw, mahirap ispilengin, stubborn. Sya yung tanging tao na isinantabi ang pride at talagang ginawa halos lahat para lang maparamdam sa'yo na mahalaga ka sa kanya - mula sa pagaantay sa'yo ng halos 7 hours para may kasabay ka pauwi hanggang sa pagbabantay sa'yo habang natutulog ka para lang makasigurong hinde ka makikipag-meeting kay Papa Jesaz.
Siya...
Hinde sya gwapo, hinde sya ma-appeal. Napakamahiyain nya at tahimik kung tutuusin. Pero...
Siya yung isang tao na kayang papalubagin ang loob mo kahit na gano pa nagpupuyos ang iyong damdammin. Siya yung tanging tao isang tingin palang sa'yo, alam mong kaya mong harapin lahat ng problema sa mundo. Siya yung isang tao na kaya kang pasayahin nang wala syang sinasabi. Siya yung isang tao na ipaglalaban ka kasehodang mapahamak sya, wag ka lang mawala sa kanya.
Siya...
Yun nga lang, sa sobrang taas ng pride mo, sa ilang pagkakamali niya, mas pinili mo pang gantihan sya kesa unawain sya. Mas ginusto mong alalahanin ang mga nagawa nyang mali kesa sa mga sakripisyo nya. Harap-harapan mong pinakita sa kanya na iba na ang mahal mo. Ilang beses mong sinabi sa kanya na hinde mo na sya mahal. Ilang beses mong pinaramdam sa kanya na wala syang kwenta, na hinde kayo magka-level. Niyurakan mo ang pagkatao nya. Pero sa lahat ng iyon, hinde sya bumitaw. Hinayaan ka nya, pero minahal ka pa rin nya from a distance.
Kaso lahat ng bagay may hangganan.
At nang hinde na sya gumagawa ng paraan para bumalik ka, ikaw naman ngayon ang nakikiusap sa Diyos na ibalik sya sa'yo. Kulang na lang mag-novena ka kay St. Jude bumalik lang sya. Hinde mo maipaliwanag yung takot na nararamdaman mo na baka may iba na syang mahal. Kung dati selosa ka lang, ngayon selosa ka na x100 dahil alam mong pwedeng iba na ang laman ng puso nya, at kung sino man yun, napakaswerte nyang babae (malas na rin dahil malamang ipakulam mo sya)
Haaayyyyy.....
.jpg)
Kuha yan nung Friday. Isa sa mga mangilan-ngilang masayang betdei celebration ko. Hinde ko inakalang magiging memorable ang betdei ko this year. Unang dumayo sa bahay si Joycee at ang kanyang labidabs. Sa hinde nakakaalam, halos magkapitbahay lang kami ni Joycee. Mga tatlong tumbling lang. Dinala nya sa bahay ang kanyang betdei gip sa'kin, isang pocketbook by RL Stine. Syempre entertain to the max naman ako with matching may-I-open the videoke. Saktong dumaan din si Dale para bumati (kilig! kilig!). Dumaan din si BFF dahil naka-schedule syang mag-lunch sa'min.
.jpg)
.jpg)
.jpg)
Kung kelan nakaalis na si Joycee, tsaka dumating ang isa pang suplays! Si Azul at ang kanyang labidabs! Eto pala yung suplays na sinasabi nya. Kele ke nemen e maggagawa sya ng betdei post for me. Aba, live pala syang babati. Syempre, hinde nagpapigil ang lolo mo. Oo, lolo...si SioPau ni Azul ay isa palang nagtatagong Concert King! Aykentbilbabol!
.jpg)
.jpg)
Dahil na rin sa sunud-sunod ang coincidences and suplays, tinext namin si Lovely at si Winkie para sumunod. At dahil short notice, malamang hinde sila nakasunod. Sayang! Instant EB sana...
In any case, sobrang saya ko nung Friday. Panay surprises! Sumabay pa na Friday dumating yung padala nila Mama na bagahe.
Pero mas masaya sana kung...
