Naalala ko pa nung magkita kami dati ng isa kong kaibigan. Ang first reaction nya was, "Ang laki naman!"
Bag ang pinag-uusapan namin (sabunin natin ang utak mo kung iba ang naisip mo).
Ngayon malalaman nyo na bakit palaging malaki ang bag ko (at mabigat!)
Eto si bag! Kung anuman ang tatak nya ay hinde ko alam dahil namana ko lang sya kay Mama. Hinde ako madalas magpalit ng bag kasi, tulad ni Winkie na nag-tag sa'kin, nadi-disorient ako. Nagpapalit lang ako ng bag if hinde rin match sa outfit ko...pero dahil sa itsura ng bag na ito, halos swak sya sa kahit na anong suot ko. Bukod dyan, I really like this bag because it's big. I can place all things (including my laptop) nang walang problema. Bakit ba gusto ko maraming bitbit? Kasi usually, pag umalis ako ng bahay, isang bagsakann. Pinupuntahan ko na at ginagawa ko na lahat ng kelangan kong gawin. Ayoko kasi ng alis ng alis.
Eto ang laman ng aking bag on ordinary days. Not-so-ordinary days, pinagkakasya ko pati laptop. Buti na lang adjustable si bag. (1) ang napakalaking pitaka (wala yang lamang pera kasi hinde ko dyan nilalagay ang mga kaperahan ko. Ang laman lang nyan at Laking National Card, SM Advantage card, BigAtin card, picture ko at Wellness Gift Card ng The Spa), (2) Ang latest na nabili kong libro. Sa Fully Booked ko sya nabili habang inaantay si Felipe. It's a good read especially pag matagal na paghihintay ang gagawin mo, (3) ang walang kamatayang iPod. 1st gen pa yan. Antique na kumbaga hehehehe, (4) The Notebook and The Pen. Hinde pwede mawala kasi makakalimutin ako. If may maisip akong plans for Talent Shout or may ka-meeting ako, dyan ko isinusulat lahat, (5) Kikayness' kikay kit. This Girbaud pouch bag was "stolen" from my Ex bwahahahahahaha, (6) payong saka-sakaling umulan, (7) Ang pabango, Cool Water Wave by Davidoff, pambabaeng version ng Cool Water for Men. Wag maglaway, libre lang yan kasi may kaibigan si Papa na nagbebenta ng pabango, (8) Suklay. Maniwala ka sa hinde, 3 taon na yang suklay na yan. Basag na ang magkabilang dulo pero ayaw ko pa rin bitiwan, (9) Cellphone. Ekshuli, dalawang cellphone ang dala ko palagi, (10) chargers, saka-sakaling maubusan ng battery. Sorry pero hinde ako nahihiyang magtanong kung pwedeng maki-charge hehehehehe. Wala sa picture dahil nasa likod ko pala habang pini-piktyuran yung bag: yung talagang wallet ko na maduming-maduming Penshoppe na de zipper (kulay Gray na, supposed to be white sya) at ang aking USB. Hinde ko nilalabhan yung wallet kasi mas unassuming ang dating nya pag madumi. Mukhang kikay kit lang sya.
Eto ang mga mahal kong cellphone. Nokia E65 at Palm Treo 680. Mahal ko sila kasi, kahit hinde ko dala laptop ko, pwede akong mag-email at mag-browse. Si Treo din ang dahilan kung bakit nakakapag-Facebook at Plurk ako kahit na nasa gitna ako ng pila sa CR hehehehe
Eto naman ang laman ni Kikay Kit. Humawak ka sa iyong kinauupuan at baka magulat ka. (1) St. Christopher na medallion. Lapitin kasi ako ng mga naliligaw na espiritu at mga taong may masasamang balak. Ibinigay yan nung isang manghuhula na kaibigan ng tito ko. Ekshuli, hinde ako naniniwala dun sa manghuhula pero tinatago ko pa rin yan kasi si St. Chritopher ay patron saint ng manlalakbay. Dahil medyo madalas akong mag-travel, kahit pa'no, nagpapahingi ako ng protection from God through him. (2) Earphone ni Nokia at ni iPod. Mahilig kasi ako sa music at mamamatay ako pag walang kantang naririnig. (3) Syempre kelangan hinde masyadong oily kaya may Pond's na face poweder. (4) Blush on para sa mga biglaang meetings. (5) Rose Quartz para daw yan sa lovelife. Maliit pa lang ako mahilig na akong magbitbit ng crystals sa bulsa or sa bag. It helps balance my energies. (6) Rosary na galing Vatican (pagkakatanda ko)...awwww! Regalo sya actually nung dati kong boss. Everytime na kinakabahan ako for no apparent reason, hinahawakan ko na yan. (7) St. Raphael na mini-statue. Sya kasi ang guardian angel ng mga pinanganak ng Tuesday. One funny story that I have is when I had an accident. Nung dinala ako sa San Juan de Dios, I wasn't sure kung gano katindi yung bali nga mga buto ko. I was afraid na operahan nga talaga ako at lagyan ng bakal. Medyo hampaslupa mode kami noon dahil sa condition ni Mama. Nung in-admit na nila ako, I saw the name of the ward na paglalagyan sa'kin - St. Raphael. Nung makita ko yun, I knew na everything would be alright. Hinde ako inoperahan at pumayag ang doctors na ibaba yung fees nila. Bukod dyan, sabi ng boss ko dati, I have a healer's hand daw. I have daw the ability to heal other people. Siguro nga. (8) Si lipstick - Rum Punch by Avon. (9) Lip gloss by Max Factor.
Dahil na-tag na halos lahat ng prenli prens ko, hinde na ako magta-tag. Bagkus (ang lalim!), bahala na kayo if gusto nyo syang gawin sa inyong blog.
