More Than A Hundred Posts Later

Dahil nagbabalik ang aking blogging mojo, napagisip-isipan kong mag-backread sa sarili kong blog. Kalerkey! Natawa ako sa mga posts ko (syempre, love thy own!). Pwede na pala ako sa comedy bar! Ano nga ba ang nagbago after more than a hundred posts?

1. Mahilig pa rin ako sa mga listahan. Obvious ba? Mas madaling mag-enumerate kesa dere-deretsong kwento e.
2. June 2009, problema ko lablayp. June 2010, problema ko lablayp. June 2011, problema ko lablayp. Nawa'y magbago ang takbo ng hangin sa darating na June 2012 para naman if end of the world na nga sa December 2012, naranasan ko naman ang matino-tinong lablayp.
3. Never-on-a-Sunday ang paborito kong tugtog noong 2009. 2010 naman, paborito ko ang Tonight ng FM Static. 2011 si Adam Levine ang pinagti-tripan ko. Pwes, Jay Sean, 2012 is indeed your year! Marry me!!!!
4. 2009, mahal ko pa si Acorn. 2010, mahal ko pa si Acorn. 2011, mahal ko pa si Acorn. 2012, ay sa wakas! Naka-move on na rin. Iba na ang mahal kaso wagas pa rin ang pagiging sawi!
5. Wala akong matinong tulog nung 2009. Wala akong matinong tulog nung 2010. Wala akong matinong tulog nung 2011. 2012: Tulog? Nakakain ba yun?
6. Wala akong sariling kwarto nung 2009 hanggang kalahati ng 2011. Ngayon, yehey! May sarili na akong kwarto. Pwede na akong mag-asawa! (Na imposible pala kasi nga sawi ang lablayp).
7. Tumaba na ako! Woot! .....kahit paano....
8. Hinde pa rin ako nakakabili ng kapalit ni Kerry :(

Hay, how time flies! Ikaw, ano ba ang pinagbago mo?